TA Turist BitolaTA Turist Bitola
Заборавена лозинка?

ПАРИЗ ✈️

1 ден  30.12.2019  (понеделник)       СКОПЈЕ – ПАРИЗ
Состанок на групата на аеродромот “Александар Велики” во 15:45 часот. Полетување за Париз во 17:45 ч. Пристигнување во Париз на аеродромот “Бове” во 20:45 часот. Трансфер и сместување во хотел. Слободно време за индивидуални активности. Ноќевање.

2 ден  31.12.2019 (вторник)              ПАРИЗ – ЛУВЕР
Појадок. Панорамски разглед на градот: Париската опера, плоштадот Вандом, црквата Мадлена, музејот Лувр, Kралската палата, центарот Бобур, плоштадот Конкорд, Градската куќа, плоштадот Бастиља, катедралата Нотр-Дам на островото Сите, универзитетот Сорбона, Пантеонот, Домот на Инвалидите, Трокадеро, Ајфеловата кула, Марсовите полиња, Триумфалната порта, Елисејските полиња… слободно време за индивидулани активности и прошетки, или полудневен факултативен излет до најголемиот и најпосетен музеј во светот – Лувр. Во музејот се чуваат едни од најпознатите уметнички дела на светот: Мона Лиза од Леонардо Да Винчи, Венера од островот Милос, Крилестата победа “Nike” од Самотраки, “Сплавот на медузата”… како и голем број на познати слики од Рембрант, Рубенс, Титијан, Пусен… (одење и враќање со метро). Вечерта, прошетка до авенијата Шанзелизе, Триумфалната порта и плоштадот Конкорд, каде традиционално се дочекува Новата Година. Евентуална можност за идивидуална прослава на Новогодишната ноќ, во некое од париските кабареа (само со претходна резервација). Ноќевање.

3 ден  01.01.2020  (среда)                     ПАРИЗ
Појадок. Можност за индивидуални прошетки и посети низ центарот на Париз: Катедралата Нотр Дам, Латинската четврт, Луксембуршките градини, или уметничкиот кварт Монтмартр со катедралата Сакр Кер, од каде се пружа најубавиот поглед на Париз… прошетката може да продолжи низ квартот Пигал, каде се наоѓа и познатото кабаре “Мулен Руж”. Попладнето, факултативна посета на Ајфеловата кула – симболот на Париз (изградена за светската изложба во 1889 год.). Единствената можност да се види прекрасната панорама на Париз од врвот на Ајфеловата кула, продолжува со вечерно крстарење по реката Сена. Романтично пловење со брод, додека се набљудува ноќната панорама на градот. Ноќевање.

4 ден  02.01.2020  (четврток)               ПАРИЗ – ВЕРСАЈ
Појадок. Полудневен факултативен излет во Версај – еден од најлуксузните кралски дворци во Европа изграден во XVII век, кој е воедно и последната резиденција на француските кралеви… Дворецот бил седиште на француската монархија и центар на моќта од 1682 год. кога Луј XIV се преселил од Париз во Версај, па се додека кралското семејство не било приморано да се врати во Париз поради Француската револуција. Посета на апартманите на кралот и кралицата, салата на огледалата… како и градината со многубројните фонтани, скулптури и алеи со прекрасни фигури од зеленило. Слободно време за шопинг низ познатата улица Риволи, галеријата “Lafayette”.Ноќевање.

5 ден  03.01.2020 (петок)                       ПАРИЗ – ДИЗНИЛЕНД – СКОПЈЕ
Појадок. Слободно време за индивидулани активности, шопинг во модерниот кварт на Париз – La Defance  или можност за посета на најпознатиот забавен парк “Дизниленд” Трансфер до аеродромот “Бовез” во 16:20ч. Лет за Скопје во 21:15ч Пристигнување во Скoпје после полноќ наредниот ден во 23:55ч.

 

479   Аранжман СТАНДАРД – вклучен разглед на Париз
579
  Аранжман СУПЕРИОР – вклучени разгледи на Париз, Версај, Лувр, Сена

 

Во цената Е вклучено:
Авионски превоз на релација: Скопје – Париз – Скопје (со Wizz Air)
Мала кабинска торба (40x30x20), максимум 10кг.
Трансфери со автобус во Париз: аеродром – хотел – аеродром
4 ноќевања со појадок во хотел “Hotel Ibis Paris La Defense” ***,
Организиран панорамски разглед на Париз
Организација на аранжманот и придружник на патувањето

Во цената НЕ Е вклучено:
Аеродромски такси во Скопје и Париз (60€)
Туристичка такса за престој 1,5€ / ден
Задолжително Патничко осигурување 180,00мкд
Пријавен багаж до 20кг – ______мкд по правец
Пријавен багаж до 32кг – ______мкд по правец
Влезница за Ајфелова кула: (16,5€ до втор кат, 25€ до врв)
Превоз со метро
Доплата за 1/1 соба 169€

Факултативно крстарење по Сена (15€)
Факултативна посета на Лувр, водич и влезница (45€)
Версај, превоз+водич+влезница: (65€) *резервација и уплата при продажба

За реализација на аранжманот потребен е минимум од 20 патници.
За ова патување потребен е валиден пасош, минимум 6 месеци од денот на враќањето
Kраен рок за откажување на аранжманот од страна на агенцијата 7 дена пред патување
За резервација уплата аванс од 30% од вкупниот износ, целосна доплата 15 дена пред патување

Париз “градот на светлината” со право го носи овој епитет. Со својата единствена архитектура, големите плоштади и старите знаменитости претставува еден од најкомплетните градови на cветот.
Градот на модата, француските револуции, богат со историја и култура. На секое споменување на неговото име, никој не останува рамнодушен. Просто е невозможно да не се заљубите во овој град, каде преовладува стилот, каде рестораните и ноќниот живот ветуваат уживање. Во лето, може да прошетате покрај Сена, да се напиете кафе во некоја од кафетериите по должина на обалата или едноставно да прошетате низ некој од бројните паркови. Во есен, брзата прошетка од Ајфеловата Кула преку Марсовите полиња се’ до Елисејските полиња, претставува вистинско задоволство. Во зимските ноќи пак, загрејте се лизгајќи по замрзнатото лизгалиште под ведро небо, a во пролет, почувствувајте ја магијата на воздухот со посета на Версајските градини, кои ќе Ве опијат со своите мириси. Без разлика на тоа колку долго ќе трае Вашата посета на овој град, во моментот на заминување ќе знаете со сигурност дека еден ден повторно патот ќе Ве доведе токму тука, во “градот на светлината”.