TA Turist BitolaTA Turist Bitola
Заборавена лозинка?

Чешме, Алачати🚌

 

ОСМИ СЕПТЕМВРИ ВО ЧЕШМЕ И АЛАЧАТИ
(07.09.2022 – 12.09.2022)
Турското крајбрежје го заплискуваат брановите на Егејското Море, а неговите заливи кријат села од соништата… Слатки, приморски села кои можете да ги додадете на листата на места за романтично септемвриско бегство од секојдневието!

Прв ден: 07.09.2022 (среда)
14.00 часот. Заминување на групата од Македонија кон Турција од Скопје и во 16.00 часот од Кавадарци. Дневно и ноќно возење преку Република Грција со попатни застанувања и одмори. Во утринските часови пристигнување во Галиполе и преминување на Дарданелите. Пристигнување во Азискиот дел на Турција, во Чанак Кале.

Втор ден: 08.09.2022 (четврток)
Краток одмор од патувањето и панорамско разгледување на Чанак Кале со кратка фото пауза пред макетата на коњот користен во текот на снимањето на филмот Троја. Продолжуваме со патувањето покрај планината Ида и Бергамо. Во попладневните часови пристигнуваме во Чешме, приморско место кое се наоѓа во турската провинција Измир на западниот брег на Егејот. Сместување во хотелот „Grand hotel Ontur“ 5* (https://cesme.onturhotels.com/). Слободно време за одмор и уживање на плажа. Вечера. Ноќевање.

Трет ден: 09.09.2022 (петок)
Појадок. Во договореното време заминуваме на организиран разглед на градот Чешме со локален туристички водич. Ова мало, живо туристичко место го има како атракција Џеновскиот замок изграден во 1508 година од отоманскиот султан Бајазит II.Кога ќе се искачиме горе на замокот, или на тврдината како што уште ја нарекуваат неговите жители, ќе имаме прекрасна глетка на целото место. Приказите во тврдината се фокусираат на клучната поморска конфронтација и битката кај Чешме, што се случила за време на Руско-турската војна и завршила со пораз на отоманската флота. Поновата историја на Чешме ќе ја запознаеме со прошетките покрај атрактивното пристаниште каде ќе имаме можност да се восхитуваме на елегантните јахти. Слободно време на прошеткa низ туристичкото место кое изобилува со ресторани и кафулиња. Враќање во хотелот. Вечера. Ноќевање.

Четврти ден: 10.10.2022 (сабота)
Појадок. Во договореното време заминуваме на организиран разглед на шармантното гратче Алачати со специфична архитектура надополнета со камени куќи, тесни улички опкружени со традиционални дуќанчиња и ресторани и изобилство цвеќиња кои само го надополнуваат овој колорит. Најубавите фотографии ќе ги направиме во паркот на античките ветерници реставрирани во 2007-ма година кои се изградени за да се искористи силата на ветерот кој постојано дува. Всушност, токму ветерот е причината ова место да стане привлечно за љубителите на водените спортови и палаглајдерите. Слободно време за уживање во монденското место кое е најмногу посетувано од уметниците, боемите, хедонистите, познавачите на доброто вино и храна… Враќање во хотелот. Вечера. Ноќевање.

Петти ден: 11.09.2022 (недела)
Појадок. Одјавување од хотелот и заминување на групата кон Измир-древната Смирна, родното место на слепиот поет Хомер. Слободно време за шопинг и индивидуални прошетки на плоштадот Конак. Во договореното време заминуваме кон Македонија. Дневно и ноќно возење преку Република Грција со попатни застанувања и одмори. Пристигнувањево Македонија во раните утрински часови во понеделник на 12.09.2022

 

Цена на аранжманот………329 € (20.340 денари)
(плаќање во денарска противвредност)

Во цената на аранжманот се вклучени следните услуги:
– Превоз со туристички автобус
– Три полупансиони-шведска маса) во хотелот „Grand hotel Ontur“ 5* во Чешме
– Билет за фериброд
– Организиран разглед на Чешме
– Организиран разглед на Алачати
– Посета на Измир
– Локален туристички водич за сите излети вклучени во програмата
– Организација на аранжманот и придружник на патувањето

Во цената на аранжманот не е вклучено:
– Доплата за еднокреветна соба – 130 €
– Патничко осигурување

Напомена:
За реализација на аранжманот потребни се минимум 40 патници

Последен рок за пријавување: 20. Август 2022 година

 

 

За реализација на аранжманот потребен е минимум од 40 платежни патници, во спротивно, крајниот рок за известување околу евентуален отказ на аранжманот е најкасно 5 дена пред датумот на поаѓање.
Организаторот на патувањето го задржува правото за измена на редоследот на поедини содржини во програмат.

Цените се по лице за сместување во двокреветни соби.
За резервација задолжителна уплата на аванс од 30% од вкупниот износ.

Останатиот износ до полната цена на аранжманот – готовински или со платежни картички, најкасно 10 дена пред поаѓање или на основа на фактура која мора да биде реализирана во рок од 7 дена од датата на издавање, а најкасно 10 дена до почетокот на аранжманот.

За уплати на “early booking” потребна е уплата 50% од вкупната сума на аранжманот.
Целосна доплата на аражманот е 10 дена пред поаѓање.
При резервација задолжително изјаснување/пријавување кои од понудените факултативи ќе ги користи патникот, како би можела агенцијата навремено да направи и потврди резервации за истите.
Патникот има обврска пред поаѓање 24 часа да ја контактира агенцијата за потврда на точното време и место на поаѓање..
Валидноста на патните исправи се обврска на патниците, при уплата на резервација должни се да ги приложат во агенцијата за проверка, патната исправа треба да е валидна минимум 6 месеци по завршувањето на аранжманот.
За овој аранжман важат општите услови за патување на ТА ТУРИСТ и СКТМ

 

Чешме, ТУРЦИЈА
среда, септември, 7, 2022
5 dena 3 noki
40
€329.00

ОСМИ СЕПТЕМВРИ

АВТОБУСКИ ПРЕВОЗ
07-12. Септември 22

€329.00
по возрасен

Распродадено

Надминат е бројот на лица