TA Turist BitolaTA Turist Bitola
Заборавена лозинка?

Прага

 

1 ДЕН (06.03.’24 – среда) : БИТОЛА
Состанок на групата во 07.00 часот на градската автобуска станица. Поаѓање за Чешката Република во 07.30 часот. Патот води преку Ниш, Белград, Будимпешта, Ѓиор, Братислава, Брно…Денско и ноќно патување со кратки попатни одмори.

 

2 ДЕН (07.03.’24 – четврток) : ПРАГА
Пристигнување во Прага во претпладневните часови…разглед на градот со стручен водич : Староградскиот плоштад со надалеку прочуениот астрономски саат Орлој, обиколка на Прашкото гето – еврејскиот кварт со десетина синагоги, Старомјесне намјести, Вацлавске намјести, Народниот музеј, Народниот театар, стариот дворец на Храдчани, обиколка (факултативно) на Шпанската сала (монументална градба од Х век), монументалната катедрала на Св.Вито со капелата на Св.Венцеслав и гробниците на Чешките кралеви, старата кралска палата, базиликата на Св.Ѓорги и Златната улица, чиј изглед е неизменет од XVI век. Премин преку Влтава на Карловиот мост, обиколка на старата кула на мостот и споменикот на Карло IV. Сместување во хотел во попладневните часови. Слободно време. Вечерта – ноќно крстарење (факултативно) по Влтава, каде ќе уживате во романтичниот поглед на локалитетите во придружба на звуците на Беджих Сметана…Ноќевање.

 

3 ДЕН (08.03.’24 – петок) : ПРАГА – КАРЛОВИ ВАРИ
Појадок. По појадокот – слободно време или факултативен полудневен излет за Карлови Вари, најпознатата бања во Источна Европа, место каде престојувале многу Европски властодршци, врвни сликари, поети…Се наоѓа на реките Огже и Тепла, на околу 130 km западно од Прага. Наречен е по светиот римски цар Карло IV Луксембуршки, кој го основал градот во 1370 година. Познат е по своите топли извори (13 големи и околу 300 помали, и топлата река Тепла). Градот е главен административен центар на Карловарскиот крај. Над него се издигнуваат златните кули на православната црква Св. Петар и Павле, располага со 12 основни големи термални извори и уште 300 помали. Во Карлови Вари имате ексклузивни хотели, ресторани или бањи, паркот „Колонада“ е познат како парк на Антонин Дворжак од крајот на 19 век. Градот својот израз го наоѓа низ барокната архитектура, познатиот стил од крајот на 19 век „арт Нуво“, како и термалните извори во колонадата „Спрудел“. Во Карлови Вари може да видите многу куќи и споменици во чест на големите уметници…Моцартовиот парк, каде што почива синот на Моцарт, потоа тука е куќата на Јоханес Брамс и на Штраус, улицата на Петар Велики, спомениците на Гете, Бетовен, Шилер, како и меморијалната плоча на Тургенев. Kaрлови Вари е домаќин на Меѓународниот филмски фестивал, еден од најстарите филмски фестивали во светот. Толпата од туристи кои секојдневно доаѓаат во Карлови Вари имаат можност да пијат од топлата вода од карактеристични плоснати садови, да пробаат од слатко – горчливиот ликер Бехеровка, да се напијат од чешкото пиво кое се произведува веднаш до Карлови Вари, во Плзен и во Крушовице и да се насладуваат на карловските опатки (неверојатно вкусни слатки карактеристични само за ова место, кои во зависност од индивидуалниот вкус можат да бидат со арома на какао, кокос, лешник, бадем, ванила)…Враќање во Прага во попладневните часови. Вечерта – факултативно, посета на Пивница со мени и програма…Ноќевање.


4 ДЕН (09.03.’24 – сабота) : ПРАГА – ВИЕНА

Појадок. Одјавување од хотелот и заминување за Виена, со попатна посета на FREEPORT OUTLET SHOPING CENTER (на границата помеѓу Чешката Република и Австрија)…слободно време за шопинг. Планирано пристигање во престолнината на Хабзбурговците околу 13.30 часот. Панорамски разглед на градот со стручен водич…обиколка на летната резиденција на Хабзбурговците – замокот Шенбрун, палатата Белведере, комплексот Хундертвасер, Рингштрасе, Ратхаус (резиденцијата на градоначалникот на Виена), црквата Вотив, Операта, Универзитетот, Парламентот, споменикот на Марија Терезија – каде завршува панорамскиот разглед, а започнува пешачката тура низ замокот Хофбург (зимската резиденција на Хабзбурговците), па преку улицата Грабен стигнуваме до велелепната катедрала Свети Стефан, каде и завршува разгледот на овој прекрасен царски град…слободно време за индивидуален разглед на градот или едноставно – уживање во Виенско кафе и парче Захер торта…планирано поаѓање за Македонија околу 19.00 часот.

5 ДЕН (10.03.’24 – недела) МАКЕДОНИЈА
Патот води преку Р.Унгарија, Србија…ноќно и денско патување, со кратки попатни одмори.
Пристигнување во Македонија околу пладне.

 

ЦЕНА на АРАНЖМАНОТ : 9.860,00 ден. (159 €)

8.620,00 ден. (139 €) – FIRST MINUTE цена (за целосна уплата до 20.01.2024 !)

 

ДОПЛАТА за 1/1 соба : 2.480,00 ден. (40 €)

 

УСЛОВИ НА ПЛАЌАЊЕ : Исклучиво во денарска противвредност.

 

НАЧИН НА ПЛАЌАЊЕ : 40 % од сумата при резервација – готовински или со платежни картички. Останатиот износ до полната цена на аранжманот – готовински или со платежни картички, најкасно 10 дена пред поаѓање или на основа на фактура која мора да биде реализирана во рок од 7 дена од датата на издавање, а најкасно 10 дена до почетокот на аранжманот.

 

ЦЕНАТА ВКЛУЧУВА :

Автобуски превоз (високоподен, со аудио-видео опрема) на горенаведената релација;

2 ноќевања со појадок во Прага, во хотел со 4*;

Посета на Виена со стручен водич;

ТРАНСФЕР на ПАТНИЦИ БЕЗ НАДОКНАДА ОД:
Струга, Охрид, Ресен, Прилеп, Кавадарци, Велес, Скопје и Куманово;
Организација, водство и реализација на аранжманот;

 

ЦЕНАТА НЕ ВКЛУЧУВА :

Факултативните излети и посети;
Влезниците при посета на културно – историските споменици;
Патничкото осигурување (180,00 ден. по лице);

Индивидуални и други неспомнати трошоци;

 

ЦЕНИ ПО ЛИЦЕ ЗА ФАКУЛТАТИВАТА :

Разглед на Прага со стручен водич 15 € (задолжително – уплата во агенција со резервацијата);

Посета на Карлови Вари  35 €  (автобус + водич);

Крстарење по Влтава 20 € по лице;

Вечера во пивница со програма и мени – €;

 За сите факултативни излети, минималниот број на патници за остварување на истите е 35

Прага – европска метропола на културата, главен град на Чешка, златен град, град на стотици кули, град на мостови… Лежи на брегот на реката В лтава, најголемата Чешка река, која градот го дели на четири дела ( Стар Град, Нов Град, Храдчани и Мала Страна). Градот е единствен комплекс на културни споменици, галерија на сите уметнички стилови во архитектурата … Основан е во 9от век со доаѓањето на Словените во тој регион. Многу уметници го опишале овој магичен град во своите дела – Bedžih Smetana, Antonjin Dvoržak, Franc Kafka… а по неговите улици шетале и Mocart, Ajnštajn i Nikola Tesla. Во 1992 год. центарот на Прага е прогласен за светско културно наследство и е под заштита на УНЕСКО

 

За реализација на овој аранжман, потребен е минимум од 40 патници, во спротивно, крајниот рок за известување околу евентуален отказ на аранжманот е најкасно 5 дена пред датумот на поаѓање.
Организаторот на патувањето не е овластен и не ја цени исправноста на патните и други исправи.
Застанувањата (паузите) за време на патувањето се предвидени на секои 3-4 часа патување, на попатни рест-ареи, а во зависност од капацитетот на попатните стојалишта и условите на патот.
Организаторот на патувањето го задржува правото за измена на редоследот на поедини содржини во програмата.
Агенцијата не учествува во организацијата на слободното време на патниците на местото, и нема влијание за реализацијата на факултативните излети кои се во организација на тур операторот во државата.
Цените на излетите се подлежни на промена во зависност од бројот на пријавените патници.
Неопходен минимум за реализација на факултативите е 35 патници.
Во случај на помал број на пријавени, можно е цената да подлежи на промена според условите од локалната агенција, тур-оператор, па организаторот има право да понуди корегирана цена, а патниците немаат обврска да ја прифатат.
Факултативните излети не се задолжителен дел од програмата и зависат од бројот на пријавени патници.
Цената на факултативите вклучува трошоци за организација, превоз, водич.
Термините на факултативните излети се променливи и зависат од слободните термини во локалитетите, бројот на пријавени патници и објективни околности.
Организаторот на излетот го задржува правото да го промени терминот и условите на изведување на факултативите предвидени во програмата.
Важат Општите услови на СКТМ и ТА ТУРИСТ ( прочитај ги тука )

 

Прага, ЧЕШКА
среда, март, 6, 2024
5 dena 2 noki
40
€159.00

МАРТ 2024

АВТОБУС
06-10.03.2024

€159.00
по возрасен

Распродадено

Надминат е бројот на лица